Mætt: Ninna Sif Svavarsdóttir formaður, Þórunn Jóna Hauksdóttir, Þorsteinn M Kristinsson og Kristín Hreinsdóttir framkvæmdastjóri, sem ritaði fundargerð. 

Formaður setti fund og stjórnaði honum. 

1.             Staða rekstrarreiknings 2012 samanborið við fjárhagsáætlun.

Staða er skv. áætlun. Ljóst er að rekstrarforsendur ART teymisins hafa breyst enn einu sinni.  Framlag Barnaverndarstofu er lægra en reiknað var með og framlag ríkisins óbreytt frá áætlun.  Verkefnið hefur fengið vilyrði fyrir 2,7 millj. kr. framlagi úr verkefni til styrktar langveikum börnum og börnum með ADHD.  Því vantar u.þ.b. 3-5 millj. kr. til að áætluðum rekstrartekjum verði náð.

2.             Ytra mat sveitarfélaga.

Stjórn Skólaskrifstofu Suðurlands felur framkvæmdastjóra að kanna möguleika á að skrifstofan fari í sjálfstætt ytra mat á tveimur skólum á starfssvæði skrifstofunnar.

3.             Starfsmannamál.

Ráðið hefur verið í 50% stöðugildi talmeinafræðings í samræmi við heimildir. Ráðin hefur verið Rannveig Rós Ólafsdóttir, en hún lauk MA prófi í talmeinafræðum frá Kaupmannahafnarháskóla síðustu áramót.  Rannveig Rós hóf störf 1. febrúar sl. og starfar fyrst um sinn undir leiðsögn Hólmfríðar Árnadóttur talmeinafræðings.

4.             Stærðfræðikeppni grunnskóla og Stóra upplestrarkeppnin.

Flensborgarskóli, sem séð hefur um samningu verkefna í stærðfræðikeppni grunnskóla, hefur gefið út að vegna sparnaðar muni skólinn ekki semja verkefni í stærðfræðikeppni grunnskóla þetta árið.  Leitað verður leiða til að halda keppnina engu að síður.

Lokahátíðir Stóru upplestrarkeppninnar verða þrjár að venju.  Sú fyrsta verður í Vík í Mýrdal  7. mars kl. 14:00 fyrir skóla í Rangárvalla- og V-Skaftafellssýslu, auk Vestmannaeyja; önnur lokahátíðin verður 13. mars í Vallaskóla á Selfossi kl. 14:00 fyrir skóla í Árborg, Hveragerði og Þorlákshöfn og sú þriðja verður 20. mars kl. 14:00 í Félagsheimili Hrunamanna á Flúðum fyrir skóla í uppsveitum Árnessýslu og Flóa.

          Fundargerð var lesin upp og samþykkt.

                                   Fleira ekki gert og fundi slitið kl. 14:20.

Leitað var til fleiri aðila um samningu verkefna fyrir keppnina, en ekki hefur fundist aðili/aðilar sem treysta sér til að semja verkefni.

Svæði 1: Árborg, Hveragerði og Ölfus

Þriðjudaginn 13. mars 2012 kl. 14:00 í Vallaskóla.

Skólar: Vallaskóli (gestgjafaskóli), Sunnulækjarskóli, Barnaskólinn á Eyrarbakka og Stokkseyri, Grunnskólinn í Hveragerði og Grunnskóli Þorlákshafnar.

Svæði 2: Rangárvalla- og V-Skaftafellssýsla og Vestmannaeyjar

Miðvikudaginn 7. mars 2012 kl. 14:00 í Leikskálum í Vík í Mýrdal.
Skólar: Víkurskóli (gestgjafaskóli), Kirkjubæjarskóli, Hvolsskóli, Grunnskólinn á Hellu, Laugalandsskóli og Grunnskóli Vestmannaeyja.

Svæði 3: Uppsveitir Árnessýslu og Flói

Þriðjudaginn 20. mars kl. 14:00 í Félagsheimili Hrunamanna á Flúðum.
Skólar: Flúðaskóli (gestgjafaskóli), Þjórsárskóli, Grunnskóli Bláskógabyggðar, Kerhólsskóli og Flóaskóli.

• Íslenska mánudagur 17. september
• Enska þriðjudagur 18. september
• Stærðfræði miðvikudagur 19. september

4. og 7. bekkur:

• Íslenska fimmtudagur 20. september
• Stærðfræði föstudagur 21. septembe

Sjá nánar bréf frá mennta- og menningarmálaráðuneyti: samraemd-konnunarprof2012

Mætt: Ninna Sif Svavarsdóttir formaður, Þórunn Jóna Hauksdóttir, Þorsteinn M Kristinsson og Kristín Hreinsdóttir framkvæmdastjóri, sem ritaði fundargerð. 

Formaður setti fund og stjórnaði honum. 

1.     Staða skv. fjárhagsáætlun 2011.

Lögð fram staða skv. fjárhagsáætlun.  Reksturinn er samkvæmt áætlun.

2.     Tillaga frá Sveitarfélaginu Hornafirði um að skoða aðild sveitarfélagsins að Skólaskrifstofu Suðurlands.

Lagt var fram bréf frá sveitarfélaginu Hornafirði þar sem fram kemur bókun bæjarstjórnar Sveitarfélagsins Hornafjarðar frá 174. fundi hennar þar sem bæjarstjórn felur skóla-, íþrótta- og tómstundanefnd að kanna kosti þess að Sveitarfélagið Hornafjörður gerist aðili að Skólaskrifstofu Suðurlands.  Í bréfinu eru bornar upp spurningar um starfsemi Skólaskrifstofu Suðurlands.

Stjórn Skólaskrifstofu Suðurlands tekur jákvætt í erindið og felur framkvæmdastjóra og formanni að vinna málið áfram með Hornfirðingum leiti þeir eftir aðild, en upplýsingar um starfsemi skrifstofunnar hafa þegar verið veittar.

3.     Tilraunaverkefni Sambands ísl. sveitarfélaga og mennta- og menningarmálaráðuneytisins um ytra mat.

Lagt fram svar Guðjóns Bragasonar f.h. Sambands íslenskra sveitarfélaga við bréfi dags. 17. nóvember 2011.  Einnig lagt fram svar Bjarkar Ólafsdóttur við fyrirspurn Skólamálanefndar vegna sama máls og athugasemdir og svar framkvæmdastjóra Skólaskrifstofunnar við bréfi Bjarkar.

Stjórn Skólaskrifstofu Suðurlands lýsir yfir vonbrigðum sínum vegna vinnubragða verkefnisstjórnar um ytra mat. Ljóst má vera að faglegar forsendur fyrir vali á skólum/landssvæðum eru mjög veikar.  Skv. skólaskýrslu Sambands íslenskra sveitarfélaga (bls. 95) stendur til að svara ýmsum álitaefnum með þeim upplýsingum sem tilraunin gefur, en þar segir: “Einnig væri með tilraunaverkefninu hægt að svara á öruggari máta mörgum álitaefnum í tillögunum hvað varðar fyrirkomulag í kringum ytra matið.“  Mjög varasamt er að ætla að svara öðrum spurningum um framkvæmd en þeim sem lagt var upp með í upphafi, eftir að úrtakið hefur verið valið. 

Þá er það jafnframt mat stjórnarinnar að þar sem á starfssvæði Skólaskrifstofu Suðurlands hafi farið fram markviss undirbúningsvinna fyrir ytra mat, sem hófst áður en verkefnisstjórn um ytra mat á vegum sambandsins og menntamálaráðuneytisins var skipuð, sé það undarlegt að verkefnisstjórnin hafi ekki litið til þess í vali sínu á skólum.  Sú vinna hefði getað nýst í tilraunaverkefninu.

Fundargerð lesin upp og samþykkt.

Fleira ekki gert og fundi slitið kl. 15:30.

Ninna Sif Svavarsdóttir
Þórunn Jóna Hauksdóttir
Þorsteinn M Kristinsson
Kristín Hreinsdóttir

Skráning á simenntun@skolasud.is eða í síma 480-8240.

Í skráningu þarf að koma fram nafn, kennitala, heimilisfang og netfang þátttakanda og nafn og greiðanda ef annar en þátttakandi. Athugið sérstaklega skráningafresti.

Allir fræðslufundirnir eru að Austurvegi 56 Selfossi, 3. hæð, nema annað sé tekið fram í lýsingu. 

Hér má sækja yfirlitið í Word skjali: Fræðslufundir Skólaskrifstofu Vorönn 2012 

Athugið breyttar dagsetningar á fræðslufundayfirliti sem sent var út í september.

Athugið að þótt erindin séu miðuð að ákveðnu skólastigi, þá eru fræðslufundirnir öllum opnir.  Kostnaði verður haldið í lágmarki, þátttökugjald á þau erindi sem sérfræðingar Skólaskrifstofu annast er kr. 2.000, en viðbúið er að erindi sérfræðinga utan Skólaskrifstofu verði kostnaðarsamari.

Aðalfundarstörf

1. Setning

Þorsteinn M Kristinsson varaformaður setti fundinn í fjarveru Ninnu Sifjar Svavarsdóttur formanns.  Þorsteinn fjallaði um mikilvægi skólastarfs, þann niðurskurð sem komið hefur til í menntamálum sem valdið hefur auknu álagi á starfsfólk menntastofnana.  Einnig minntist Þorsteinn á ART verkefnið og ályktun starfshóps um sameiginlegt heildarmat sem kynnt verður seinna á fundinum.   Að lokum sagði hann að rekstur  Skólaskrifstofunnar hafi gengið vel og tekið mið af þröngri stöðu sveitarfélaganna.  Einnig hvatti hann til þess að sveitarstjórnarmenn stæðu vörð um skólaskrifstofuna og hennar mikilvægu verkefni.

2. Kosning fundarstjóra og fundarritara

Varaformaður tilnefndi Ásgeir Magnússon og Elínu Einarsdóttur sem fundarstjóra og Ásthildi Lárusdóttur og Kolbrúnu Möggu Matthíasdóttur sem fundarritara. Tillagan var samþykkt samhljóða.

Í lok máls síns fól varaformaður fundarstjórum stjórn fundarins.

3. Kosning í kjörbréfa og kjörnefnd og fjárhagsnefnd

Lögð var fram svohljóðandi tillaga stjórnar SASS að kjörbréfa- og kjörnefnd og fjárhagsnefnd:

Kjörbréfa- og kjörnefnd                                                   

Aðalmenn                                                                              

Fjárhagsnefnd

Aðalmenn

 Var tillagan samþykkt samhljóða og tók kjörbréfa- og kjörnefnd þegar til starfa.

4. Skýrsla framkvæmdastjóra/ársskýrsla

Kristín Hreinsdóttir framkvæmdastjóri fór yfir starfsemi skólaskrifstofunnar, kynnti starfsstöðvar hennar og útibú og helstu verkefni.  Töluverð fjölgun mála hefur orðið í grunn- og leikskólum og kynnti hún ástæður þess.  Fjölgun er í tilvísunum til kennsluráðgjafa, sálfræðinga og leikskólaráðgjafa, en nokkur fækkun tilvísana til talmeinafræðings.  Kristín minntist á lagabreytingar sem urðu árið 2008, fór yfir hlutverk ráðgjafa skólaskrifstofunnar og vakti athygli á brýnni þörf á að fá talmeinafræðinga til þjálfunar á Suðurlandi.  Kristín fór yfir endurmenntun og fræðslu sem Skólaskrifstofu Suðurlands stóð fyrir á skólaárinu 2010 – 2011. Einnig fór hún yfir önnur verkefni sem á árinu, m.a.  skipulag í kringum danskan farkennara sem starfaði úti í skólum á Suðurlandi , Stóru upplestrarkeppnina, Stærðfræðikeppnina og ART verkefnið, sem hún hvatti sérstaklega til að væri innleitt í þá skóla sem ekki hafa það nú þegar.  Þá hvatti Kristín til þess að ART þjálfunar yrði getið í skólastefnum sveitarfélaganna.

5. Niðurstöður kjörbréfa- og kjörnefndar um lögmæti fundarins

Jóna Sigurbjartsdóttir, formaður kjörbréfa- og kjörnefndar kvaddi sér hljóðs og gerði grein fyrir kjörbréfum.  Alls voru 42 kjörnir fulltrúar. Gild kjörbréf eru 39, en alls voru 35 aðalfulltrúar og 4 varamenn mættir.  Fundurinn úrskurðast því lögmætur.

6. Afgreiðslumál

i) Endurskoðaðir reikningar

Framkvæmdastjóri, kynnti ársreikning fyrir árið 2010.  Rekstrartekjur voru 83,8 rekstrargjöld 85,1 og tap af rekstri Skólaskrifstofunnar 350 þúsund að teknu tilliti til fjármagnsliða.  Tillagan var samþykkt.

ii)Tillaga að fjárhagsáætlun

Framkvæmdastjóri kynnti fjárhagsáætlun Skólaskrifstofu Suðurlands fyrir árið 2012.  Áætlunin gerir ráð fyrir rekstarartekjum upp á 106,3 millj. kr. og rekstrargjöldum sömu upphæð eða 106,3 millj. kr.  Tillagan var samþykkt.

 iii) Tillaga að breytingum á samþykktum Skólaskrifstofu Suðurlands

Varaformaður lagði fram tillögu fyrir hönd stjórnar um að liður 4.4 í samþykktum Skólaskrifstofunnar verði felldur út og að lið 5.6 verði breytt til samræmis við breytingar á samþykktum annarra byggðarsamlaga sunnlenskra sveitarfélaga á Austurvegi 56.

Fundarstjóri gaf orðið laust um tillöguna.

Til máls tóku Þórunn Jóna Hauksdóttir, Aldís Hafsteinsdóttir og Kristín Hreinsdóttir.

Fundarstjóri lagði til að tillögunni yrði vísað til allsherjarnefndar og var það samþykkt.

IV) Niðurstaða starfshóps um Heildarmat á starfssvæði Skólaskrifstofu Suðurlands.

Tillögunum var vísað til menntamálanefndar.

7. Kosningar

Jóna Sigurbjartsdóttir formaður lagði fram eftirfarandi tillögu kjörnefndar:

i) Kosning 3 fulltrúa í stjórn Skólaskrifstofu Suðurlands og 3 varamanna

Aðalmenn

Varamenn:

ii) 2 skoðunarmenn ársreikninga og 2 varamenn

Skoðunarmenn

Aðalmenn

 Varamenn

Fundarstjóri gaf orðið laust en enginn kvaddi sér hljóðs.

Tillögur kjörnefndar bornar undir atkvæði og samþykktar samhljóða.

8. Almennar umræður

Fundarstjóri gaf orðið laust.

Engin kvaddi sér hljóðs.

Fundarstjóri gaf varaformanni orðið.

Þorsteinn M. Kristinsson þakkaði fyrir góðar umræður á fundinum.

Fundi frestað til morguns.

Í lok ársfundar SASS, 29. október kl. 14:30 var framhaldið fundi SKS og fjallað um tillögu að lagabreytingum sem vísað var til allsherjarnefndar.  Tillaga allsherjarnefndar er eftirfarandi:

Tillaga um breytingar á samþykktum Skólaskrifstofu Suðurlands.

Eftirfarandi tillaga á breytingum á samþykktum Skólaskrifstofu Suðurlands var samþykkt á 134. fundi stjórnar Skólaskrifstofu Suðurlands 6. október 2011:

 Lagt er til að liður 4.4 um kosningu í starfsnefndir verði felldur út:

Gr. 4.4

Á aðalfundi skulu kosnar starfsnefndir fundarins; kjörbréfa- og kjörnefnd sem fer yfir kjörbréf fulltrúa og gerir tillögur um kjör í stjórn og nefndir samkvæmt þessari grein, fjárhagsnefnd, sem fjallar um fjárhagsáætlun og önnur fjármál skrifstofunnar, allsherjarnefnd, og auk þess málefnanefndir sem fjalla um einstök mál sem eru til umræðu.

Lagt er til að lið 5.6 um sameiginlega starfsmanna- og launastefnu verði breytt til samræmis við breytingar á samþykktum annarra byggðasamlaga sunnlenskra sveitarfélaga á Austurvegi 56:

Gr. 5.6

Starfsmannastefna skal unnin og staðfest af stjórn. Framkvæmdastjóri Skólaskrifstofu Suðurlands ber ábyrgð á að starfsmanna- og launastefnu verði fylgt.

Starfsmanna- og launastefna er sameiginleg með Samtökum sunnlenskra sveitarfélaga, Atvinnuþróunarfélagi Suðurlands, Heilbrigðiseftirliti Suðurlands og Skólaskrifstofu Suðurlands.  Umsjón  launa- og starfsmannastefnunnar er í höndum Samtaka sunnlenskra sveitarfélaga.

Allsherjarnefnd hefur fjallað um tillöguna og leggur til að hún verði samþykkt en beinir því til stjórnar SASS að unnin verði sameiginleg launa- og starfsmannastefna fyrir byggðarsamlögin að Austurvegi 56.  Tillagan var samþykkt samhljóða.

Fundi slitið.

Mætt: Ninna Sif Svavarsdóttir formaður, Þórunn Jóna Hauksdóttir, Þorsteinn M Kristinsson og Kristín Hreinsdóttir framkvæmdastjóri, sem ritaði fundargerð. 

Formaður setti fund og stjórnaði honum. 

1.              Staða skv. fjárhagsáætlun 2011.

                  Lögð fram staða skv. fjárhagsáætlun.  Reksturinn er samkvæmt áætlun.

2.              6. aðalfundur Skólaskrifstofu Suðurlands í Vík 28.-29. október 2011.                   

Farið var yfir fundargerð og ályktanir sem gerðar voru á 6. aðalfundi   Skólakrifstofu Suðurlands sem haldinn var í Vík í Mýrdal 28. og 29. október 2011.

3.          Tilraunaverkefni Sambands ísl. sveitarfélaga og mennta- og                                                                             menningarmálaráðuneytisins  um ytra mat.

             Á síðasta fundi skólamálanefndar Sambands íslenskra sveitarfélaga var lögð fram tillaga um sex skóla sem taka eiga þátt í tilraunaverkefni um ytra mat sem gert verður í samstarfi mennta- og menningarmálaráðuneytisins og Sambands íslenskra sveitarfélaga á árinu 2012.  Þrátt fyrir að hugmyndin að útfærslu verkefnisins sé m.a. tilkomin á Suðurlandi og þar hafi farið fram töluverður undirbúningur fyrir verkefnið með samráði við skólasamfélagið í heild sinni, þ.e. skólastjórnendur, kennara, foreldra og sveitarstjórnarmenn, varð enginn skóli á Suðurlandi fyrir valinu.

              Stjórn Skólaskrifstofu Suðurlands lýsir undrun sinni á valinu og óskar eftir skýringum á því hvernig                     og  hverjir stóðu að valinu og hvaða faglegu forsendur lágu að baki.

 Fundargerð lesin upp og samþykkt.

Fleira ekki gert og fundi slitið kl. 12:40.

Góð ráð til foreldra