haldinn miðvikudaginn 28. mars 2012 kl. 13:00 að Austurvegi 56, Selfossi.

Mætt: Ninna Sif Svavarsdóttir formaður, Þórunn Jóna Hauksdóttir, Þorsteinn M Kristinsson og Kristín Hreinsdóttir framkvæmdastjóri, sem ritaði fundargerð. 

Þorvarður Hjaltason framkvæmdastjóri SASS kom inn á fundinn undir lið 2.

Formaður setti fund og stjórnaði honum. 

1.  Staða rekstrarreiknings 2012 samanborið við fjárhagsáætlun.

Staða er samkvæmt áætlun.

2.  Húsnæðismál.

Skólaskrifstofu Suðurlands hefur boðist viðbótarhúsnæði vegna flutnings Heilbrigðiseftirlits Suðurlands.  Með breytingunni er hægt að koma ART teyminu fyrir innan dyra á Austurvegi 56.  Þorvarður Hjaltason framkvæmdastjóri SASS kom á fundinn og kynnti málið.

3.    Starfsmannamál.

Rædd voru starfsmannamál.

4.   Mat og ráðgjöf í skólastarfi

Beiðnum um aðkomu að stórum verkefnum við mat og ráðgjöf í skólum hefur fjölgað hjá sérfræðingum Skólaskrifstofu Suðurlands.  Aðallega hafa verið tekin út gæði kennslustunda, en mismikið annað fylgt með.  Dæmi eru um úttektir sem ná u.þ.b. 90 klst. vinnu hjá einstökum sérfræðingum, eða sem samsvarar tveimur og hálfri vinnuviku.  Er þetta dæmi um verkefni sem bættust við verkefnalista skólaskrifstofa við setningu laga um leik- og grunnskóla nr. 90 og 91/2008. 

Framkvæmdastjóri kynnti eitt slíkt verkefni sem farið hefur verið í á yfirstandandi skólaári.

         
Fundargerð var lesin upp og samþykkt.

Fleira ekki gert og fundi slitið kl. 14:45.

Grunnskóli Bláskógabyggðar verður í haust um 150 barna leik- og grunnskóli. Starfsstöðvar eru tvær: grunnskóli í Reykholti og grunn- og leikskóli á Laugarvatni.

Deildarstjórarnir skipa stjórnendateymi skólans ásamt skólastjóra sem starfar á báðum starfsstöðvum. Hlutverk deildarstjóra er sviðsstjórn á hvorum stað.  Laugarvatn 75% stjórnunarhlutfall og 50% stjórnunarhlutfall í Reykholti.  Hlutfall stjórnunar verður endurskoðað eftir ár.

Starfssvið deildarstjóra

-          Deildarstjóri er hluti af stjórnendateymi skólans
-          Deildarstjóri heldur utan um daglegt starf á sinni starfsstöð
-          Framfylgja nýsamþykktri skólastefnu Bláskógabyggðar
-          Fagleg forysta
-          Stuðla að framþróun í skólastarfi, þar er sameining leik og grunnskóla á Laugarvatni stór þáttur
-          Leiða samstarf starfsmanna, heimila og skólasamfélagsins
-          Annar deildarstjórinn verður staðgengill skólastjóra

Menntunar og hæfniskröfur

-          Grunnskólakennaramenntun skilyrði og leikskólakennaramenntun æskileg
-          Menntun og/eða reynsla af stjórnun æskileg
-          Sjálfstæði í starfi og skipulögð vinnubrögð
-          Góð hæfni í samskiptum
-          Stjórnunar og leiðtogahæfni
-          Metnaður og einlægur áhugi á skólastarfi

Launakjör samkvæmt kjarasamningi Sambands íslenskra sveitarfélaga og  KÍ.

Umsóknarfrestur er til 30. maí 2012

Frekari upplýsingar veitir Hrund Harðardóttir skólastjóri hrund@grbla.is, s: 4868830/8616609

Heimasíða skólans er www.blaskogabyggd.is/skoli

Laus er til umsóknar tímabundin staða sérfræðings í ART meðferðarteyminu á Suðurlandi. 

Umsókn um starfið, ásamt yfirliti um náms- og starfsferil og upplýsingum um meðmælendur sendist Skólaskrifstofu Suðurlands, Austurvegi 56, 800 Selfoss fyrir 25. maí 2012.

Um er að ræða tímabundið starf vegna afleysingar í eitt ár frá komandi hausti.

Laun eru skv. kjarasamningi viðkomandi stéttarfélags og Launanefndar sveitarfélaga.

ART teymið er þriggja manna ART-meðferðarteymi sem sér um meðferð barna og ungmenna með tilfinninga- og/eða hegðunarvanda á Suðurlandi.  Hópurinn er samhentur og hefur mikið samstarf sín á milli og við sérfræðinga Skólaskrifstofu Suðurlands, þar sem teymið er staðsett. Mikil áhersla er lögð á samvinnu við aðrar stofnanir sem koma að velferð barna og ungmenna.

Menntunar- og hæfniskröfur:

• Félagsráðgjafar- eða haldgóð uppeldismenntun.
• Góð færni í mannlegum samskiptum.
• Reynsla af vinnu með börnum og unglingum er skilyrði.
• Æskilegt er að umsækjendur hafi þekkingu á skólastarfi .
• Æskilegt er að umsækjendur kunni skil á hugmyndafræði ART (Aggression Replacement Training) og/eða hugrænni atferlismeðferð.

Á vefslóðinni www.isart.is er að finna meiri upplýsingar um teymið.  Nánari upplýsingar veita Kristín Hreinsdóttir, framkvæmdastjóri á netfanginu khreins@skolasud.is og  í síma 480 8240 og Bjarni Bjarnason verkefnisstjóri ART á Suðurlandi á netfanginu bjarni@isart.is og í síma 860 0426.

Spurningalistar voru sendir út á foreldra barna með tal- og/eða málþroskavanda, starfsfólks í grunn-, leik- og framhaldsskólum, skólasálfræðinga og starfsfólk sveitarfélaga/kjörinna fulltrúa.

Í skýrslunni kemur fram að þjónusta við börn með tal- og málþroskavanda er að mati þessara hópa, sérstaklega þó foreldra, ekki nægjanlega góð. Hún er mismunandi eftir svæðum, óljóst er hver eigi að sinna þjálfuninni og foreldrar eiga oft í vandræðum með að finna hvert þeir eigi að leita.  Þá kemur fram að ánægja með þjónstuna er afar mismunandi, minnst á höfuðborgarsvæðinu og á Austurlandi. Foreldrar voru almennt neikvæðastir eða gagnrýnastir í garð þjónustu fyrir börn og ungmenni með málþroskafrávik en starfsmenn leikskóla og sveitarfélaga jákvæðastir.

Foreldrar í Reykjanesi, Vesturlandi og Vestfjörðum og Suðurlandi voru ánægðastir með þá þjónustu sem þeim býðst fyrir börn með málþroskafrávik og voru þeir marktækt ánægðari en foreldrar á höfuðborgarsvæðinu.

Afar lítil þjónusta virðist í boði fyrir ungmenni með málþroskafrávik eftir að skólaskyldu lýkur, því 68% þátttakenda í rannsókninni töldu slíka þjónustu sjaldan eða aldreivera í boði og eingöngu 7% alltaf eða oft.

 Í lok skýrslunnar eru eftirfarandi punktar settir fram til umhugsunar:

• Allir viðmælendur voru sammála um mikilvægi málaflokksins og jafnframt töldu yfir 90% þátttakenda í könnuninni brýnt að bæta þjónustu við börn með málþroskafrávik innan skólakerfisins. Mikilvægustu liðirnir í því væru að auka þekkingu leik- og grunnskólakennara (97%) og fjölga talmeinafræðingum (91%) og öðrum sérfræðingum (86%); auka áherslu á fyrirbyggjandi starf og snemmtæka íhlutun (98%).
• Lagalega er réttur barna og ungmennameð málþroskafrávik tryggður en samkvæmt lögum og reglugerðum eiga þeir rétt á því að fá þjónustu bæði hjá sveitarfélögum og í heilbrigðiskerfinu.
• Málaflokkurinn heyrir undir tvö ráðuneyti og bæði undir ríki og sveitarfélög. Of margar stofnanir bera ábyrgð á þjónustu, eftirliti og stefnumótun. Móta þarf skýrari reglur um verkaskiptingu og samvinnu. Sérstaklega er mikilvægt að ákveða hver sér umfjármögnun og skiptingu kostnaðar.
• Kerfið annar ekki eftirspurn eftir þjónustu við börn og ungmenni við núverandi aðstæður. Langir biðlistar eru eftir greiningu og talþjálfun, t.d. bíða um 400 börn eftir þjónustu sjálfstætt starfandi talmeinafræðinga á stærstu starfsstofunum.
• Foreldrar eru óánægðir með þjónustuna sem börnum þeirra býðst. Bið eftir talþjálfun er of löng og meðferðartímar of fáir að þeirra mati. Þeir kalla eftir meiri þjónustu talmeinafræðinga, auknu samstarfi þeirra við skólana og þjónustu í nærumhverfi. Einnig kvarta þeir undan því að reglur Sjúkratrygginga Íslands um endurgreiðslu vegna talþjálfunar séu ósanngjarnar. Þeir telja að talþjálfun fyrir börn og ungmenni eigi að vera gjaldfrjáls.
• Upplýsingar um einkenni málþroskaraskana, úrræði og þjónustumöguleika þurfa að vera aðgengilegar almenningi á sama stað á netinu.
• Leik-og grunnskólakennarar eru allir af vilja gerðir að sinna börnum með málþroskafrávik en þurfa til þess meiri fræðslu og handleiðslu talmeinafræðinga. Þekking á málþroska og málþroskafrávikum er undirstaða árangurs. Allt bendir til þess að málþroskafrávik séu vangreind hjá börnum á leikskólaaldri. Skilvirk skimun á málþroska og snemmtæk íhlutun í kjölfarið geta skipt sköpum fyrir barnið og jafnvel komið í veg fyrir námserfiðleika síðar.
• Samvinna foreldra og faghópa (leik- og grunnskólakennara, talmeinafræðinga, sálfræðinga og annarra) er nauðsynleg til að tryggja árangur. Öll börn, en alveg sérstaklega börn með málþroskafrávik, þurfa að alast upp í umhverfi þar sem málörvun er allsráðandi ‒bæði heima og í skóla.
• Upplýsingar um fjölda barna og ungmenna með málþroskafrávik þurfa að vera aðgengilegar. Sem stendur er hvorki haldið til haga upplýsingumum fjölda barna og ungmenna með tal-og málþroskaröskun á Íslandi, né heldur um þjónustuna sem þau fá.  Samkvæmt lögum á það að vera hlutverk Heyrnar-og talmeinastöðvar Íslands.
• Ítrekað kom fram í  þessari skýrslu að engin sérstök úrræði eru fyrir ungmenni með málþroskafrávik á Íslandi. Brýnt er að tryggja þeim möguleika á þjónustu eftir að skólagöngu lýkur.
• Tryggja þarf jafnan rétt allra landsmanna til þjónustu vegna málþroskafrávika.

Vinnusmiðjur í stefnumótun fyrir skólastjórnendur
með áherslu á innleiðingu nýrrar aðalnámskrár

Dagskrá:

1/3: Vinnusmiðja (4 klst) að morgni í júní (nánari dagsetn. auglýst síðar)
- Stefnumörkun, framtíðarsýn og sóknaráætlun.
- Stefnumótun sem fræðigrein og tæki til að undirbúa og framkvæma breytingar.
- Unnið í vinnuhópum með hugmyndir vinnusmiðjunnar.

2/3: Fundur (2 klst) í ágúst (nánari dagsetn. auglýst síðar)
Stöðufundur:
-  skipst er á skoðunum og farið yfir þau vandamál/úrlausnarefni sem upp hafa komið og hvernig framhaldið getur orðið.

3/3: Vinnusmiðja og uppgjör (4 klst) seinni partinn í september/byrjun okt. (nánari dagsetn. auglýst síðar).
- Fyrirlestur um eftirfylgni stefnu, verkefnastjórnun og mikilvægi mælinga.
- Stutt umfjöllun um samhæft árangursmat.
- Uppgjör vinnunnar.
- Stuttar kynningar þátttakenda.
- Umræður.

Kennari: Helgi Þór Ingason kennari við HR og HÍ.
Tímafjöldi: 10 klst.
Verð pr. þátttakanda: 19.000 kr.

Innleiðing námskráa, hagnýting og áhrif á kennslu og starfshætti skóla
haldið að Austurvegi 56, Selfossi, þriðjudaginn 14. ágúst 2012 kl. 9-16.

Fjallað verður um helstu nýjungar í almennum hluta aðalnámskrár grunnskóla sem út kom 2011, þ.e. grunnþætti menntunar, lykilhæfni og viðmið um hæfni. Teknir verða fyrir valdir grunnþættir, t.d. sjálfbærni og jafnrétti, og þeim gerð ítarlegri skil.  Æfingar og umræður um það. Skoðað verður á hvern hátt framsetning hæfniviðmiða er lík og ólík þeim markmiðum sem skólastarfi haf hingað til verið sett. Farið verður yfir hvernig þekking og leikni eru undurstöðuatriði í þeirri lykilhæfni sem ætlast er til að grunnskólanemendur öðlist. Að námskeiðinu loknu á þátttakandi að geta útskýrt hugtökin grunnþættir menntunar, lykilhæfni og viðmið um hæfni og geta beitt þeim við úrlausnarefni skólastarfsins.

Kennari: Ingólfur Ásgeir Jóhannesson, prófessor við HA og HÍ.
Tímafjöldi: 8 kest.
Verð pr. þátttakanda: 3.000 kr.

Tölvur og forrit sem verkfæri í kennslu
haldið í Grunnskólanum í Hveragerði 13. – 14. ágúst 2012 kl. 9-16.

Farið er yfir ýmis smáforrit og annan hugbúnað sem sækja má frítt, eða gegn vægu gjaldi, og nýta til kennslu og utanumhalds.  Gerð verða hagnýt verkefni sem þátttakendur geta nýtt í kennslunni strax og hún hefst til að auka fjölbreytni í námi og námsmati og stuðla að skilvirkari endurgjöf.

Meðal efnis:
- gerð gagnvirkra verkefna og/eða prófa.
- smáforrit (apps) til notkunar í kennslu.
- notkun rafrænna vinnubóka.
- bent á og skoðaðar ýmsar síður með hugmyndum um skipulag og verkefni.

Kennari: Ásta Hrönn Ásgeirsdóttir.
Tímafjöldi: 16 kest.
Verð pr. þátttakanda: 5.000 kr.

Námsmat
haldið að Austurvegi 56, Selfossi, 9. ágúst 2012 kl. 9-16, 10. ágúst 2012 kl. 9-12, auk tveggja funda/vinnusmiðja seinni part dags í september og nóvember skv. samkomulagi við þátttakendur.

Fjallað verður um ólíkar leiðir í námsmati, mikilvægi námsmats sem hluta af námi nemenda og hlutverk námsmats í nýrri aðalnámskrá grunnskóla.
Gerð verða hagnýt verkefni og mikil áhersla lögð á umræður.

Kennarar: Ásta Björk Björnsdóttir kennsluráðgjafi og Ingveldur Eiríksdóttir grunnskólakennari.
Tímafjöldi: 20 kest.
Verð pr. þátttakanda: 10.000 kr.

ART réttindanámskeið
haldið á Kirkjubæjarklaustri 20.-22. ágúst 2012 kl. 9-16.

Nánar á www.isart.is.

Kennarar: Bjarni Bjarnason og Sigríður Þorsteinsdóttir ART þjálfarar.

ART réttindanámskeið
haldið í Tryggvaskála á Selfossi, 9. – 11. október 2012 kl. 9-16.

Nánar á www.isart.is.

Kennarar: Bjarni Bjarnason og Sigríður Þorsteinsdóttir ART þjálfarar.

Skráning fer fram á netfanginu: simenntun@skolasud.is eða í síma 4808240 á meðan pláss leyfir.
Vinsamlega gætið þess að gefa upp netföng og símanúmer sem ná má í skráða þátttakendur á meðan á sumarleyfi stendur ef breytingar verða á dagsetningum eða námskeið verða felld niður.  Mikilvægt er að gefa upp greiðanda námskeiðs.

Tólf leikskólar á Suðurlandi og sex í Hafnarfirði prófuðu TRAS málskimun á rúmlega 100 börnum. Tilgangur þróunarverkefnisins er að meta gæði þýðingar TRAS skráningalista.    

Umsjónamenn verkefnisins leituðu víða styrkja og fengu einn slíkan frá sveitarstjórn Rangárþings eystra; sem hér er þakkaður stuðningurinn. Skólaskrifstofa Suðurlands og Skólaskrifstofa Hafnarfjarðar styrktu verkefnið með því að ætla starfsfólki sínu tíma til verksins, veita aðstöðu til námskeiða og fundarhalda og kosta prentun skimunarlistans.

TRAS skráningarlistinn er ekki málþroskapróf heldur skimun á málhegðun og málþróun 2-5 ára barna. Spurningarnar byggja á niðurstöðum þekktra atferlis- og málþroskakvarða og kenningum Chomsky´s um algildi tungumála.

TRAS listanum fylgir skráningarblað og leiðbeiningarbæklingur um fyrirlögn á íslensku og handbók, sem er á norsku enn sem komið er. Skráningin hefst þegar barn er rúmlega tveggja ára og lýkur við fimm ára aldur. Tvisvar á ári, með sex mánaða millibili, skráir leikskólakennari á skráningarblöðin svör við ákveðnum spurningum um málþroska barnanna. Hvert barn á sitt skráningarblað sem fylgir því út leikskólaárin.  Ekki er um eiginlega fyrirlögn að ræða heldur leitar sá leikskólakennari sem best þekkir barnið svara við spurningunum, með því að fylgjast með barninu í leik og starfi.

Spurningarnar á TRAS skráningarlistanum flokkast undir þrjú færnisvið:

1.            Samleikur, tjáskipti/samskipti og athygli/einbeiting.
2.            Málskilningur og málmeðvitund.
3.            Framburður, orðaforði og setningamyndun.

Markmiðið er:

• að unnt sé að veita skjóta og markvissa aðstoð  ef grunur vaknar um frávik. 
•  að veita forráðamönnum og öðrum fullorðnum sem umgangast barnið, ráðgjöf og leiðbeiningar.
• að fyrirbyggja erfiðleika á skyldum þroskasviðum. 

Staða verkefnisins í apríl 2012

TRAS skráningarlistinn hefur nú verið þýddur og staðfærður fyrir íslenskar aðstæður og hefur þegar sannað gildi sitt,  kennarar eru öruggari að finna börn sem sýna frávik í málþroska og koma þá í veg fyrir möguleg málþroskafrávik síðar á skólaböngu barnanna.

Tekist hafa samningar við Námsmatsstofnun um útgáfu skimunartækisins, en beðið er eftir formlegu leyfi frá leyfishöfum í Noregi.   Vonast er til að útgáfa hefjist á vormánuðum 2012.

Hverjir mega nota TRAS?

TRAS er ætlað til notkunar í leikskólum.

Aðeins þeir sem hafa sótt námskeið hafa leyfi til að nota tækið.

 Umsjónamenn verkefnisins eru:

• Hólmfríður Árnadóttir talmeinafræðingur Skólaskrifstofu Suðurlands.
• Ingibjörg Símonardóttir talmeinafræðingur.
• Guðríður Haraldsdóttir sálfræðingur á Skólaskrifstofu Mosfellsbæjar.
• Björk Alfreðsdóttir sérkennslufulltrúi Skólaskrifstofu Hafnarfjarðar.
• Hrafnhildur Karlsdóttir leikskóla-og sérkennsluráðgjafi Skólaskrifstofu Suðurlands.
• Margrét Tryggvadóttir leikskólasérkennari í leikskólanum Örk, Hvolsvelli 

Leikskólarnir sem tóku þátt í verkefninu eru:

• Álfheimar Selfossi, leikskólastjóri Ingibjörg Stefánsdóttir.
• Brimver Eyrarbakka, leikskólastjóri M.Sigríður Jakobsdóttir
• Gullkistan Laugarvatni, leikskólastjóri Sólveig Björg Aðalsteinsdóttir
• Hulduheimar Selfossi, leikskólatjóri Eygó Aðalsteinsdóttir
• Jötunheimar Selfossi, leikskólastjóri Helga Geirmundsdóttir
• Krakkaborg Flóahreppi, leikskólastjóri Karen Viðarsdóttir
• Leikholt Skeiða-og Gnúpverjahreppi, leikskólastjóri Vilborg María Ástráðsdóttir
• Laugaland Rangárþingi ytra, leikskólastjóri Sigrún Björk Benediktsdóttir
• Óskaland Hveragerði, leikskólastjóri Gunnvör Kolbeinsdóttir
• Undraland Flúðum, leikskólastjóri Halldóra Halldórsdóttir
• Undraland Hveragerði, leikskólastjóri Sesselja Ólafsdóttir
• Örk Rangárþingi eystra, leikskólastjóri Heiða Björg Scheving
• Hlíðarendi Hafnarfirði, leikskólastjóri Oddfríður Steinþórsdóttir.
• Kató Hafnarfirði, leikskólastjóri Rán Einarsdóttir
• Stekkjarás Hafnarfirði, leikskólastjóri Alda Agnes Sveinsdóttir 
• Tjarnarás Hafnarfirði, leikskólastjóri Hjördís Fenger
• Vesturkot Hafnarfirði, leikskólastjóri Jóna Guðbjörg Ólafsdóttir 
• Víðivellir Hafnarfirði, leikskólastjóri Árdís Grétarsdóttir

Mikil og fagleg vinna liggur að baki TRAS-skráningalistans. Þeir sem upphaflega unnu að gerð hans  eru :

• Unni Espenakk og Jörgen Frost, Bedtvet kompetansesenter, Oslo.
• Erna Horn, Institutt for spesialpedagogikk, Universitetet í Oslo.
• Inger Kristine Löge, senter for atferdsforsikning, Universitetet i Stavanger.
• Margaret Klepstad Færevaag og Hans Grove, Eikelund kompetansesenter, Bergen
• Ragnar Gees Solheim og Åse Kari Hansen Wagner, Nasjonalt senter for leseopplæring og seseforsikning, Universitetet i Stavanger.

Grunnskóli Bláskógabyggðar er með um 140 nemendur í 1.-10. bekk.
Kennslustaðir eru tveir í Reykholti og á Laugarvatni.

Eftirfarandi kennarastöður eru lausar í Reykholti:

- Tónlistarkennsla /kórastarf (Reykholt og Laugarvatni)
- Yngri barna kennsla
- Smíði í (afleysing í eitt ár)
- Íslenska á unglingastigi (afleysing í eitt ár)

 Umsóknarfrestur er til þriðjudagsins 15. maí 2012

Nánari upplýsingar gefa Hrund Harðardóttir skólastjóri s-486-8830/861-6609, netfang: hrund@grblaskogabyggd.is og Sigmar Ólafsson aðstoðarskólastjóri s: 486-1224/897-3233 netfang: sigmar@grblaskogabyggd.is

Heimasíða skólans er www.blaskogabyggd.is/skoli

Niðurstöður urðu eftirfarandi:
1. sæti: Eyrún Gautadóttir úr Flóaskóla
2. sæti: Þórarinn Guðni Helgason úr Flóaskóla
3. sæti: Eva María Larsen Bentsdóttir úr Grunnskóla Bláskógabyggðar.

Vinningshafar á Flúðum: F.v. Sigurður Gísli Guðjónsson kennari Flóaskóla, Kristín Sigurðardóttir skólastjóri Flóaskóla, Eyrún Gautadóttir, Þórarinn Guðni Helgason, Agla Þyri Kristjánsdóttir kennari Grunnskóla Bláskógabyggðar og Hrund Harðardóttir skólastjóri Grunnskóla Bláskógabyggðar.

Niðurstöður urðu eftirfarandi:
1. sæti: Þórunn Ösp Jónasdóttir úr Vallaskóla
2. sæti: Drífa Björt Ólafsdóttir úr Sunnulækjarskóla
3. sæti: Vilborg Óttarsdóttir úr Grunnskólanum í Hveragerði
Aukaverðlaun fyrir vandaðan flutning ljóðs hlaut Lilja Dögg Erlingsdóttir úr Sunnulækjarskóla.

Hátíðin er haldin í samstarfi Radda – samtaka um vandaðan upplestur og framsögn, Skólaskrifstofu Suðurlands og gestaskóla, sem að þessu sinni var Vallaskóli á Selfossi.

Niðurstöður urðu eftirfarandi:
1. sæti: Guðbjörg Viðja Antonsdóttir úr Laugalandsskóla
2. sæti: Bjarnveig Björk Birkisdóttir úr Grunnskólanum á Hellu
3. sæti: Dagur Ágústsson úr Hvolsskóla.

Vinningshafar á lokahátíð í Vík. F.v. Sigríður Theodóra Kristinsdóttir kennari í Grunnskólanum á Hellu, Bjarnveig Björk, Guðbjörg Viðja, Kolbrún Sigþórsdóttir aðstoðarskólastjóri Laugalandsskóla, Dagur og Anna Kristín Guðjónsdóttir kennari í Hvolsskóla.

Hátíðin er haldin í samstarfi Radda – samtaka um vandaðan upplestur og framsögn, Skólaskrifstofu Suðurlands og gestaskóla, sem að þessu sinni var Víkurskóli í Vík.