Fundargerð

4. aðalfundar

Skólaskrifstofu Suðurlands

haldinn 15. október 2009 á Hornafirði

1. Setning
Margeir Ingólfsson, formaður, setti fundinn og bauð fulltrúa velkomna. Ræddi hann um síðasta starfsár sem einkenndist af þeim hremmingum sem skekið hefur þjóðlífið. Gerði hann fjárhagsramma skrifstofunnar að umræðuefni og þær aðgerðir sem stjórnendur þurftu að ráðast í til að ná endum saman. Skerða þurfti vinnutíma, semja upp á ný um launakjör og fleira. Áfram verði gætt aðhalds og á nýju ári er gert ráð fyrir óbreyttum framlögum sveitarfélagsins. Margt er hulið óvissu, m.a. er varðar fjármögnun ART verkefnisins. Hvatti hann sérstaklega til þess að fólk kynnti sér úttekt félagsvísindastofnunar HÍ á ART verkefninu.

2. Kosning fundarstjóra og fundarritara
Formaður tilnefndi þá Árna Þorvaldsson og Reyni Arnarson sem fundarstjóra og Hjalta Þór Vignisson sem fundarritara og var það samþykkt samhljóða.

3. Kosning í starfsnefndir
Lögð var fram svohljóðandi tillaga stjórnar að kjörbréfa- og kjörnefnd:

Aðalmenn

Gunnar Þorgeirsson, Grímsnes- og Grafningshreppi

Aldís Hafsteinsdóttir, Hveragerðisbæ

Gunnlaugur Grettisson, Vestmannaeyjabæ

Ingvar Pétur Guðbjörnsson, Rangárþingi ytra

Gylfi Þorkelsson, Sveitarfélaginu Árborg

Jóna Sigurbjartsdóttir, Skaftárhreppi

Reynir Arnarson, Sveitarfélaginu Hornafirði

Varamenn

Margeir Ingólfsson, Bláskógabyggð

Páll Stefánsson, Sveitarfélaginu Ölfusi

Páll Scheving, Vestmannaeyjabæ

Kristín Aradóttir, Rangárþingi eystra

Margrét Katrín Erlingsdóttir, Sveitarfélaginu Árborg

Þórhildur Jónsdóttir, Mýrdalshreppi

Var tillagan samþykkt samhljóða og tók nefndin þegar til starfa.

4. Skýrsla framkvæmdastjóra
Kristín Hreinsdóttir flutti ársskýrslu Skólaskrifstofu Suðurlands fyrir skólaárið 2008-2009. Þar kom m.a. fram þróun nemendafjölda og starfsmanna á skrifstofunni. Einnig ræddi hún um ýmsa þjónustuþætti, s.s. sálfræðiráðgjöf, ráðgjöf vegna talmeina, leikskólaráðgjöf og endurmenntun og fræðslu til starfsmanna skóla á starfssvæðinu.

5. Lögmæti fundarins skv. niðurstöðu kjörbréfanefndar
Gunnar Þorgeirsson, formaður kjörbréfa- og kjörnefndar kvaddi sér hljóðs og gerði grein fyrir kjörbréfum. Alls voru 42 kjörnir fulltrúar. Gild kjörbréf eru 38, en alls voru 28 aðalfulltrúar og 10 varamenn mættir. Fundurinn úrskurðast því lögmætur.

6. Afgreiðslumál

i) Endurskoðaðir reikningar

Framkvæmdastjóri, kynnti ársreikning fyrir árið 2008.

ii) Tillaga að fjárhagsáætlun

Framkvæmdastjóri kynnti fjárhagsáætlun Skólaskrifstofu Suðurlands fyrir árið 2010.

Fundarstjóri gaf orðið laust.

Til máls tók Margrét K. Erlingsdóttir.

Fundarstjóri bar upp endurskoðaða reikninga og tillögu að fjárhagsáætlun undir atkvæði.

Samþykkt samhljóða.

7. Kosningar

i) Kosning 3 fulltrúa í stjórn Skólaskrifstofu Suðurlands og 3 varamanna

Stjórn Skólaskrifstofu Suðurlands

Aðalmenn

Margeir Ingólfsson, form. Bláskógabyggð

Þórunn Jóna Hauksdóttir, varaform. Sveitarfélaginu Árborg

Ingvar Pétur Guðbjörnsson, Rangárþingi ytra

Varamenn

Gylfi Þorkelsson, Sveitarfélaginu Árborg

Margrét Sigurðardóttir, Flóahreppi

Sif Hauksdóttir, Mýrdalshreppi

Samþykkt samhljóða.

ii) 2 skoðunarmenn ársreikninga og 2 varamenn

Skoðunarmenn

Aðalmenn

Jón Valgeirsson, Grímsnes- og Grafningshreppi

Elín Einarsdóttir, Mýrdalshreppi

Varamenn

Herdís Þórðardóttir, Hveragerði

Margrét Sigurðardóttir, Flóahreppi

Samþykkt samhljóða.

8. Almennar umræður

Fundarstjóri gaf orðið laust.

Engin kvaddi sér hljóðs.

Margeir Ingólfsson, formaður, þakkaði traustið og sleit fundi kl. 14.10